BRANCH HISTORY

KRISTIAN THALAI PAWL : RAMHLUN BRANCHCHANCHIN 1961 - 2011
H. Lalnunfela, Secretary, Ramhlun Branch


KTP  -  A LO DIN DAN LEH HRUAITU HMASATE : Mizorama Kristian Thalai Pawl  a din atanga  kum sarihna August ni 14, 1961  Sunday School banah Tv. Lalthangliana'n  thian thenkhatte  - Tv. H. Lianchhunga, Pu Lalchhandama (Ztu), Nl. Hmingmawii leh thian dangte hnenah "KTP i din ve ang u" tiin a hrilh kual a, thian dangte nen inhrilh kual zelin hemi ni chawhnu inkhawm banah Pi Zauvi in (Ramhlun Indoor Stadium awm thinna bul, Pu Chaldailova in chhim lam dep chiah)-ah Ramhlun Kristian Thalai Pawl, member 28 awmna chu an lo din ta a ni.
Kristian Thalai Pawl,  Ramhlun Branch din kuma Office Bearers-te chu heng mite hi an ni: 
Leader : Tv. Lalthangliana  Assistant Leader : Tv. H. Lianchhunga (R.I.P) Secretary : Pu Lalchhandama (Ztu) Assistant Secretary : Nl. Hmingmawii Treasurer : Nl. Rosangi
Ramhlun KTP hi kum 1961 a din ni mah se Chanmari  Kohhran thla zar hnuaia la awm a ni a, Kohhran pui ber pawh mumal taka la din fel chiah loh niin a lang a. KTP hruaitute pawh  lehkha zir leh awm nghet ni chiah lem lote an nih hlawm avangin hun engemawti lai phei chuan KTP hi mumal taka kal theih loh lai pawh a awm niin an sawi thin.
Kum 1965 khan Ramhlun Kohhran chu Kohhran puitlinga hlankai a ni a. KTP Leader hmasa ber Tv. Lalthangliana pawh hemi kum hian Pathian thu zirin a kal chhuak a. Kum 1966-ah phei chuan hruaitute awm mah se Rambuai lai a nih avangin mumal taka KTP hi kal theih a ni ta lo a ni.
Kum 1967 atang erawh chuan thalai intel ruhin KTP intuai thar leh a ni a. Hemi kum atang hian tun thlengin Ramhlun KTP chu Pathian khawngaihna azarah mumal takin a kal chho vet a zel a ni. Tin, hemi kum atang chauh hian KTP Mi-nute Bu pawh chhui theihin a awm a ni. March ni 15 - 17, 1968-ah chuan kan Kohhran Inkhawmpui thlen hmasak ber Dawrpui Bial KTP Conference vawi 11-na chu  tuna Biak In awmna hmunah hian nghah a lo ni tawh a ni. Hetih hun laia Dawrpui Pastor Bial hian Kohhran 16 lai a huam a. Aizawl chhim lamah Venghlui leh Bethlehem thleng, thlang lamah Tanhril leh Sakawrtuichhun-te a huam a ni.
RAMHLUN KTP-IN HMA A SAWN ZEL : A din tirh laiin member 28 vel chauh ni mah se hma a sawn zel a. Kum 1970-ah Ramhlun Vengthar Branch a ding thar a; 1972-ah Ramhlun North Kohhran a lo pian tâk avangin Ramhlun Kohhran chu hming thlâkna pawh awm em em lo chuan Ramhlun South Kohhran ti a sawi alo ni ta a. Ramhlun KTP pawh chu Ramhlun South KTP tih a lo ni ta a ni. 1976-ah Dawrpui Pastor Bial atangin Chanmari Pastor Bial a lo piang a. Tichuan, Chanmari Pastor Biala kum 6 kan awm hnuah, kum 1982 khan Ramhlun Pastor Bial a lo piang a. Ramhlun Bial KTP Conference hmasa ber pawh January ni 22 - 24, 1982 khan Ramhlun South Kohhranah nghah a ni.
Kum 1991-ah Ramhlun Vengchhak (chutihlai chuan Ramhlun Gilgal) Kohhran a lo piang a; hemi kum vek hian Ramhlun Venglai Branch pawh Ramhlun South leh Ramhlun North Branch atangin a lo indang ve leh a; kum 1996-ah  Ramhlun Sports Complex Branch a lo ding leh a. Kum 1999-ah phei chuan Ramhlun Pastor Bial chu Ramhlun North leh Ramhlun South Pastor Bialah then a lo ni leh a. Ramhlun North lam hi Kohhran naupang zawk nimahsela Pastor thuthmun a hman anih avangin Ramhlun South Bial lam chuan naupang zawk chan a chang ta a, Kum 1999 hi Ramhlun South Pastor Bial din kum a ngaih alo ni ta a ni. Tichuan, kum 2001 April ni 17-ah Ramhlun South Branch atang hian Ramhlun Vengthlang Branch a lo ding leh a. Kum 2011 January ni 2 khan Ramhlun Vengchung Kohhran lo ding ve lehin Ramhlun Vengchung Branch KTP pawh alo piang ve leh ta a ni. Kum 2011 alo nih meuh chuan Ramhlun Kohhran huamchhung thin ah chuan KTP Branch 9 lai alo ding ta hial a ni.
Kum 2011 a Ramhlun Branch atanga indang ta Ramhlun Vengchung Branch KTP te indan nan `10,000/- leh Stationery bungrua leh Thuziak (Frame) pek an ni a. An pual hian Farewell Ruai member pum huapin buatsaih a ni bawk.
Kum 1986 khan Ramhlun Branch hian Silver Jubilee chu Monument leh Souvenir-te buatsaihin ruai nen ropui taka lawm a ni a. Kum 2001 khan Ruby Jubilee (Kum 40-na) lawmin Monument leh Souvenir-te siamin ruai nen ropui taka lawm ani leh bawk a. Tunah Pathian kaihhruainain Golden Jubilee hial kan lo thleng ta a ni.
RAMHLUN  KTP CHETVELNATE :
(i) Thalai Inkhawm : KTP din tirh atang hian  Thawhtan zanah Thalai Inkhawm neih thin a ni a. Rambuai lai leh zan lam curfew lai te leh Beihrual thlate chuan Pathianni tlai ah inkhawm thin a ni. Tin, Tawngtai Inkhawm/ Fellowship hi a changin Sunday School banah leh Pathianni tlai-ahte neih thin a ni. Tunah hian Pathianni tlai hi remchang zawka ngaih a niin hman mek a  ni. 
KTP hi "Inzirna pum a ni" an ti thin a. Ramhlun KTP hruaitu lo ni tawh mi 11 lai chu Kohhran Upa atana nemngheh an lo ni tawh a Tunah hian mi 4 te chu Ramhlun Kohhranah active Upa an ni mek a; Tual Upa-ah 1 a awm mek bawk a ni. Ramhlun KTP hruaitu leh member-te atangin Pastor 7 leh Pro-Pastor 2 an awm mek bawk. (ii) KTP Central Committee-a lo awm tawhte : Ramhlun Branch atanga Central KTP Committee-a lo awm tawhte chu :  1. Upa Lalthansiama Tochhawng ( 1990-92 Comt. Member; 1992-94 Fin. Secy)2. Upa Dr. R.L. Thanmawia   (1994-96 Comt. Member )3. Nl. C. Lalthangpuii   (2000-04 Comt. Member)4. T.Upa Dr. C. Zarzoliana   (2008-10 Comt. Member; 2010-12 Asst. Secy) 
 Heng bakah hian Presbyterian Youth Fellowship (PYF)-ah Nl. C. Lalthangpuii chu 2001-03 khan General Secretary a ni a; Kum 2008-10 khan North East India Christian Council Youth Assembly (NEICCYA) Secretary-ah T. Upa Dr. C. Zarzoliana chu a awm tawh bawk a ni.
(iii) Mizoram Synod Choir Member lo ni tawhte :  Kum 1986 hma lam kha chuan Synod Choir hi ala awm chiah lova, Mizo Gospel Team tih hming pu in Sap ram (Wales) zin tur Zaipawl din a ni a, chu zaipawlah chuan kum 1983-84 chhung khan Pi C. Lalchungnungi chu kan Branch atangin a tel ve nghe nghe a ni. Kum 1986 hnuah Mizoram Synod Choir tih hming puin alo ding ta a, Upa Lalthansiama Tochhong hi Conductor hmasa ber te zing a mi a ni.

 
1.  Upa Lalthansiama Tochhawng : Conductor 1985-922. Nl. K. Lalbiakveli : Soprano 1986 - 903. Pu Vanlalhuma Pachuau : Tenor 1991-954. Nl. C. Lalthangpuii : Soprano 1993-975. Pu R.K. Lalfakawma : Tenor 1995-986. Pi Lalawmpuii Tochhawng : Soprano 1997-987. Pu Manasia Lalduhsaka : Tenor 2000-048. Tv. Laldampuia : Bass 2008-12 (iv) Chhiatni/Thatni : KTP Member Biak In hawnga inneite chu Lawmpuina thilpek pek an ni thin a. Kum 1967-ah KTP member Biak In hawnga inneite chu Thuthlung Thar Bu  pek ni a; kum 1976-ah Lehkhabu Rs.10/-  man aia tam lo. A hnu deuhah Rs. 25/- man aia tam lo thilpek te; kum 1983-ah Rs.50/- man. 1986-ah Rs.100/- man aia tam lo; 1989-ah Chawimawina Certicate pek tel a ni a. 1991-ah Holy Bible leh Kristian Hla Bu bakah Certificate;  2007-ah Holy Bible leh Kristian Hla Bu bakah  pawisa fai Rs.100/- pek an ni. Kum 2011 atang phei chuan Holy Bible leh Kristian Hla Bu bakah  pawisa fai Rs.1000/- pek an ni. Kumin chhung hian August thla thlengin Kohhran Danthianghlima innei mi 13 hnenah lawmpuina hi hlan an ni tawh a ni.
Kum 1967-ah member thite chu Thuthlung Thar Bu-a ral an ni a; kum 2000 a lo thlen chuan  Holy Bible leh Rs.500/- a ral a ni a. Kum 2008 atang chuan Holy Bible leh Rs.1000/-a ral bakah  khawhar chhungte inkhawmpui na neih a ni thin.
KTP Member missionary-a kal chhuak turte leh Pathian Thu zira kalte hnenah ngaihhruina hlan an ni a. A tir lamah chuan anmahni puala inkhawmna buatsaih bakah  Rs.200/-  emaw  lehkhabu emaw pek an ni a.; a hnu lamah Rs.500/- leh Holy Bible. Kum 2011 atang Pathian thu zir dawnah thlahna hun hmang tawh lovin hun puma rawngbawla an chhuah dawnah Rs.1000/- emaw an duhzawng Rs.1000/- man hu bakah Holy Bible pek tel thin an ni.


RAWNGBÂWLNATE :
(a) BIBLE SOCIETY : KTP din tirh lai vêl atng hian Bible Society-ah hian thawhlawm te thawhin thawhlawm khawn hna (collector)-ah te hma a la thin. 1978 phei chuan Branch KTP chu Life Member a ni nghe nghe. Tin, Aizawl khawpui leh a cheh velah Bible Tract sem hna an thawk bawk thin. Kum 1992 September thla khan Distribution Campaign in Bible Society hotute nen Amarpur District, Tripura Sate-ah mi 18 an feh chhuak bawk. (b) Evangelism lama rawngbawlna : A din tirh atangin Evangelism lama rawngbawlna hi ngaih pawimawh a niin KTP member rual inkhawmngai lote chu an chenna inahte tlawh chhuakin Pathian thute hrilh thin an ni a.A chang chuan anmahni hruai theihna a nih beiseiin  intihhlimna chi hrang hrangte a buatsaih thin a.Inkhawm loh zantein  anmahni inah len chilhin feh chhuah programme -te buatsaih thin a ni. Nulat-tlangval kawnga  harsatna an neihte zawn chhuah nan Questionnaire buatsaiha, an chhannate zir chiannate neih a ni thin. Tin, Biak in thleng pha lote hip nan khawlaia rawngbawlna neein thu leh hlaa inpawlkhawmnate neih a ni thin bawk.A chang phei chuan Zirtawp zan apianga tawngtai tlaivarte a ni thin a; kum 1986 atang phei chuan kan Kohhrana zing tawngtai inkhawm hi KTP-te rawtna avanga lo awm ta niin an sawi.
Kum 1992 khan ruihhlovin a tihbuaite tan Special Camping chhawng 3 lai Pu V.L. Rawna in leh KTP Leader Pu K.Lalparliana in beh chhanin mi thahnemngaite buatsaihin mi 15 vel lai enkawl an ni a.Hemi hnu lam phei hi chuan thla tin thawhtan zan hmasa ber apianga  ruihhlo ngaite puala chaw ngheia tawngtai leh inkhawm apianga an puala tawngtai te, Bethel buatsaih te a ni thin. 27 July - 1 August, 2009 khan  ruihhhlovin a tihbuai mi 42 tan KTP hian Special Camping chu Healing Touch ministry Speaker Pu C. Lalfakzuala ruaiin S.A.Prayer mount-ah hlawhtling taka neih a ni bawk. 

 
Ni 8.7.2010 (Ningani) khan VOLCOMH ho nen tangkawpin VOLCOMH Drop-in Centre, CYMA Office hnuaiah (Tuikhuahtlang) Hmeichhe humsual dai (KS) te nen inkawmhona hun hman a ni a, Kan Branch atangin mi 25 vel kalin KS mi 20 bawr vel nen inkawmhona hun hlawkthlak tak hman a ni a, zanriah buatsaih sak an ni. Sharing te neiin testimony ropui tak tak te nghaihthlak a ni a, Counselling class pawh neih pui an ni nghe nghe a ni.

 
Ni 30.6.2010 (Nilaini) nileng khan Sihphir Neihbawih a Synod Revival Camping Centre-ah Bethel Runpui neih a ni a, Bus 2 hmangin member 124 vel in hun an hmang a ni.  (c) Thu leh hla lama rawngbawlna : A din tirh atangin thu leh hla hmanga  rawngbawlna hi kalpui ve zel a ni a. 1974 khan lehkhabu "Nazaret Mi Thubuai" tih chu chutih hun laia KTP hruaitu Pu Vanlalnghaka buatsaih chu Branch KTP-in tih chhuah a ni a; a man pawh Rs.2/- a ni. Kum 1979-ah Essay, Short Play leh Hla in-phuah siakte a buatsaih a. Kum 1980-ah District Level Drama Competition-ah "Thu A Tawp e, Lumam" tih hmangin lawman 1-na a dawng a. Ni 4.12.1982-ah KTP-in hetih hun laia  KTP hruaitu  Pu H. Zoliana Fiamthu Cassette recording buaipuiin "Nuihza bawm" chu Synod Hall-a Nuihza Concert siamah released a ni bawk.


Kum 1984-ah Biak In kawtah sign Board, "Hawh u, Lalpa inah i kal ang u" Sam 122:1 leh thlan mualah "I chatuan hmun tur khawiahnge? tih leh Aizawl Civil Hospital Compound-ah "I thih hnuah khawnge i kal dawn? tihte an tar bawk. Kan Kohhran Mission Field, Gharmurra kawngah Pathian thuziak tar a ni tawh bawk. 


Ni 5-6, Dec.1989 khan Vanapa Hall-ah Christmas Concert in Aid of Arunachal Christians tih chu hlawhtling taka buatsaih a ni a. Kum 1990 - '91-ah Puitling ziak leh chhiar thiam lote thiamtir tura hmalak a ni a. Puitling mi 10 velin ziak leh chhiar an thiam phah a ni.Ni 10.12.1990-ah Missionary Quarter sak nan  Vanapa Hall-ah Winter Show hlawhtling taka buatsaih a ni bawk.Kum 1991 khan "Mahni Intodelh Kum" bawhzuiin  Essay,Drama,Hla  inphuahsiakte neih a ni a..


Feb ni 20 - 23,1992-a KTP General Conference Saitualah CKTP buatsaih "Mahni Intodelh Kum"  Drama inziak siak lawman  1-na chu Tv.C. Lalruatliana'n a dawng a, lawmman 3-na chu Tv.R. Lalhmingmawia'n a dawng  bawk.


Ni 23-28, Nov.1995 khan CKTP buatsaih "Kristian Chhungkua" Drama Competition-ah  telin Top 20 -ah telin  Rs.1200/- leh Certificate a dawng. Kum 1996-ah A.I.R., Aizawl Station-ah drama chan a ni a; DDK, Aizawl Station-ah thupui neiin Discussion hun hman a ni bawk. 


Kum 1996-ah kan Kohhran-a Thlarau Bo Zawngtute (TBZ)  Inkhawmpui kan thlen tumin  Speaker Rev.Vanlalbela sermon CHANCHIN THA HRIL chu a bu-a buatsaihin  ni 23.10.1996 zanah Adviser Upa Hniarmangan  a tlang zarh a; Rs.50/- man niin  1500 copies siam a ni a hralh zawh a ni tawh. Ni 14-15, Nov.1996 -ah  CKTP buatsaih Musical Drama Competition-ah Top 5-ah kan lang ve a. Ni 20-23, Nov.2001-ah  Mizoram Social Defence and Rehabilitation Board leh CKTP  tangkawpin an buatsaih Ruihhlo laka inven dan Drama  inchansiak a buatsaihah I DAWT NGAM LEH DAWT RAWH  tih hmangin  lawmman 1-na lain  Rs.12,000/- leh Certificate Frame mawi tak dawn a ni. Hemi kum vek hian DDK, Aizawlah  he drama hi  record a ni.Kum 2004 April leh May thla chhung khan SHALOM  nen tangkawpin sum tuakna ni pah fawmin AIDS chungchang inzirtirna THLIAR A NEI LO tih film chu  hlawhtling taka siam a ni a, DDK leh Local T.V Channel-ah te a khat tawkin  tihchhuah thin a ni.


Kum 2000-ah Hermon Daifim Chanchinbu  phuisui zawkna atana sum tuakna nip- ah fawmin SINCE YOU ASKED tih Don Gosset ziak ‘MIN ZAWT MIAU SI A’ tih KTP hruaitu Nl. Lalnunzawmi Ralte lehlin  500 copies chu a bu a chhuah a ni.


Tin, ni 10.5.2010 (Thawhtan) zan khan Synod Bookroom nen tangkawpin Literature Nite Programme hman a ni a, Synod Bookroom lamin thusawina te neiin an lehkhabu te an rawn phochhuak a, hemi zan hian lehkhabu 259 lai an hralhchhuak thei ni. TIn, kum 2010 chhung khan Branch member Holy Bible chhiarchhuak mi 10 hnenah lawmpuina thilpek atan 'Thukhawchang mi pek te hi' tih Rev. Zairema ziak pêk an ni bawk.


(d) Branch KTP Chanchinbu : September ni 5, 1981 zana Pu B.Vanlalzika ina KTP Committee chuan KTP puala chanchinbu neih a rel a. Chumi thla chawlhkar hnihna atanga chhuah tan turin a rel a. A buaipuitu atan heng mite hi an inruat nghal a :
Editor : Tv. F. Laldailova

Assistant Editor : Tv. Thansanga Chawngthu & Pu Vanlalnghaka

Cir. Manager : Tv. C. Kapthanga


Heng mi ruat chhuahte hian hma la nghalin HERMON DAIFIM tih chu chanchin bu hming atan thlangin  issue hmasa ber pawh  7-12, Sept. 1981-ah tih chhuah tan a ni. KTP chanchinbu ni mah se la kohhran Chanchinbu ang tho va kohhran thil pawimawhte  tarlanna  remchang tak a ni a. A tira phek 2 chu kum 1986-ah phek 4 -a tihpun a ni. A tir lamah chanchin bu lak man  kum khata Rs. 10/- chu tunah chuan Rs. 120/- a lo ni ta a.Kum 2006 khan Hermon Daifim hian SILVER JUBILEE lawmin souvenir mawihnai tak a chhuah nghe nghe a  ni. Kum 2011 thleng hian Hermon Daifim Editor lo ni tawh hi mi 23 an awm tawh a ni.


HERMON DAIFIM EDITOR LO NI TAWHTE LEH AN NIH KUM 

1. Pu F. Laldailova 1981 - 1984.

2. Pu H. Zoliana 1985, 1987 - 1988.

3. Pu Vanlalnghaka 1986

4. Tv. Lalsiliana 1989 - 1991.

5. Tv. C. Lalruatliana 1992

6. Pu Rualthankhuma Sailo 1993

7. Pu H. Lalbiaktluanga 1994 - 1995.

8. Tv. R.M. Lalrinzuala 1996

9. Tv.C. Lalengmawia 1998, 1999*

10. Pu T. Hmingthanzauva 1998* 1999

11. Pu V. Lalnunsanga 2000

12. Pu Vanramthanga Pachuau 2001

13. Tv. Lalramchuana 2002

14. Pu J. Ramdinmawia 2003

15. Tv. Vanlalnghaka 2004

16. Tv. Jerry Zoliansanga 2005

17. Tv. Rosangliana 2006

18. Tv. P.C. Lalnunpuia 2007 *

19. Tv. H. Lalnunfela 2007* 2009*

20. Tv. Lalrammawia Hrahsel 2008

21. Tv. R.K. Lalawmpuia 2009*

22. Tv. H. Lalrosanga 2010, 2011

* mark dah hi kum laklawh a inthlak tih entirna a ni.

 

RAWNGBAWLNA LEH LUANCHHUAHNA DANGTE : 

1967 : Bible Society hmingin  thawhlawmah Rs. 20/- pek a ni.1970 : KTP Mizo Kohhran, Madanriting  Rs.20/- a tanpui a ni.

1971 : Synod Hospital, Durtlangah damlo 2 te, Aizawl Civil Hospital-ah damlo 3 te Rs.5/- theuhva tanpui an ni a; Jail tangte Rs.20/- a tanpui an ni.

25.3.1975 : Arunachal Pradesh-a  Kristian tihduhdah tuarte Rs.80/-a tanpui a ni.19.7.1976 : Bialtu Pastor chhiat tawh chungchangah ral nan Rs.40/- pek a ni.1976 : Ramhlun Vengthar Kohhran Biak In  sak tanpui nan Rs. 400/- pek a ni.22.12.1977 : Krismas-a Carolnaa hmuh atangin mi 5-te chu Rs. 143.50 a tanpui a ni.26.5.1978 : Kohhranin Gospel Camping a buatsaih atan  Rs. 300/- leh Biak in sak nan Rs.100/- Kohhranah chhun luh a ni.

6.9.1979 : ITI Relief Camp-a awmte tanpui nan Rs.253.25 pek a ni.

10.12.1980 : Synod Hospital,Durtlang tanpuinan Rs.100/- pek a ni.

1983 : Kohhranah Building Fund-ah  Rs..5,500/- chhun luh a ni.

24.12.1984 : Sateek khua in 5 zet kang tanpui nan.Rs. 500/- pek a ni.

1987 : Aizawl Civil Hospital, T.B.Hospital, Zemabawk leh Durtlang damdawiin  leh Hmangaihna In ,Durtlang tanpui nan Rs. 500/- theuh pek a ni.

1989 : Ramthar zinna atan Kohhranah  Rs. 3,000/-, P.A. Set lei nan  Rs. 5,330/- leh  Camping atan Rs. 1,000/- chhun luh a ni.

1990 : Missionary Quarter, Type-II Rs 40,000/- man sakna pek a ni.

1991 : Mizorama Cyclone tuarte tanpui nan CKTP kal tlangin  Rs.500/- pek a ni a; Kohhran Camping buatsaihah Rs. 3,000/- chhun luh a ni.

1993 : Bialtu Pastor Rev. Sanghnuna fanu lung lam natna vanga phai lam damdawi in pan tan Rs.1,000-a tanpui a ni a;Rawpuichhip Brach KTP Motor accident tuarte Rs. 500/-a tanpui a ni.

1994 : Pastor Quarter-a Guest room-a Reading Table lei nan Rs.1,000/- pek a ni.1995 : Chhimtuipui Dist.-a lei min tuarte Rs. 500/-a tanpui a ni.

1996 : Ramhlun Sports Complex Branch ding thar tanpui nan Rs.1,500/- pek a ni.1997 : Presbyterian Hospital,Durtlang-ah Bench 5 pek a ni a, Bethesda Counselling Centre, Luangmualah Buhfai Quintal I leh thawmhnaw engemaw zat pek a ni.

1998 : Veng chunga khawsak harsa zualte tanpui nan kohhranah Rs. 2,000/- chhun luh a ni.

2000 : KTP General Conference,Champhaia kal amn tur tur - Meitei Christian Nahapur tanpui nan Rs.1,500/- pek a ni.

2001 : Ramhlun Vengthlang Branch KTP indang tur chu hengte hian indan a ni : Microphone-2, Sure Mike-2, Thing Almiral-1, Type Writer-1, Cyclostyle-1, Hollow Guitar-1.

2002 : KTP General Conferene Ramhlun Sports Complex Field-a neihah CKTP-ah Rs.5,000/- pek a ni.

2003 : Kohhranin chhandamna camping a buatsaihah Rs.5,000/- chhun luh a ni.2004 : Sikkim-a missionary-a awm Nl. Zothanpar Hmar chu misualin an suam avangin Rs.1,000/- a tanpui a ni.

2005 : Bass Guiter- Ibanez Guiter Rs.16,400/- man lei a ni a; Kohhranin Gospel Camping a buatsaihah Rs.10,000/- chhun luh a ni.

1-6.11.2006 : Tripura (Karbook)-ah Work Camp neih a ni.

2007 : Gharmurra Mission School Building extend  nan Kohhranah  Rs.5,000/- chhun luh a ni.

1-13.10.'08   : CKTP buatsaih Hmeichhe awm tha duh lote tana Chhanchhuahna Camping tanpui nan Rs.2,000/- pek.

6-8.2.'09 : Gharmurra-ah CKJS Inkhawmpui lian tanpui nan Rs.15,000/- pek a  ni a; Sound System hawhtir bakah Sound lam buaipui turin Member mi 3 an kal bawk.10.2.2010 : Chawngte 'L' Pastor Bial KTP Rs. 2,500/-a tanpui a ni.4-15.5.2010 : KTP Kumpuan kaihhruaina 'Member hlate hnuhhnaih' tih bawhzuina atan member tlawhchhuah Programme Branch Comt. member leh OB ten kan nei a, Group 3-ah in thenin in tinah lutin memberte chibai bukna neih a ni. Tin, Kumpuan bawhzuinan Member inkhawm kim zan programme te, Tleirawl Nite leh Member hlate pualin Sports neih a ni a, Kumpuan kaihhruaina buin hun hmang tura min beisei ang te bawhzui zel a ni. CKTP in min beisei angin 2011 Krismas chhung pawh khan vengchhungah Krismas Poster (Pathian thu ziak) hmun 6-ah tar a ni.

8.7.2010 : VOLCOMH ho nen tangkawpin VOLCOMH Drop-in Centre, CYMA Office hnuaiah (Tuikhuahtlang) Hmeichhe humsual dai (KS) te nen inkawmhona hun hman a ni a, Kan Branch atangin mi 25 vel kalin KS mi 20 bawr vel nen Pathian thu a inkawmhona hun hlawkthlak tak hman a ni a, zanriah buatsaih sak an ni. Sharing te neiin testimony ropui tak tak te nghaihthlak a ni a, Counselling class pawh neih pui an ni.

23-24.10.2010 : Sumsuih Branch tlawhin Joint Service hlimawm tak kan nei a, Bus 2, Car 4, Two wheeler 9 leh Pick-up 1 hmangin member 94 vel kan kal a ni. Sumsuih Branch ngaihhruina thilpek atan HP Inkjet Printer (3-in-1) Rs.5,000.00 man pek an ni.

2.1.2011 : Ramhlun Vengchung Branch KTP indang ngaihhruina thilpek atan Frame leh Rs.10,000/- bakah Stationery buangrua hlan an ni a, an pualin Farewell Ruai theh a ni bawk.

2011 : Golden Jubilee pual in 2011 Calendar siam a ni a, Jubilee T-Shirt leh Pen bakah Wall Hanging siam a ni bawk.


COMMITTEE THUREL NGAIHNAWM LEH CHHIN-CHHIAH TLAK DANGTE:
8.10.1964 : Kan  sum neihsa peipunna  ngaihtuahin  vaihlo zial zawrh ni se kan ti.27.8.1965 : Tuning fork lei ila kan ti a, a awm thei a nih chuan  a tha tur chi (Best Quality ) ngei lei ni se kan ti.

22.10.1967 : Sacrament dawhkan  chungchang thu ngaihtuahna kan nei a,kan pawisa neihsaa kan tlin bak Cheng 30/- (Rupees thirty only)  kohhran pui ta kan lo pukna atan District Council-a kan lei laih man la chhuak turin Pu Rohlira kan ruat.

23.6.1968 : Ramhlun Venga Pu Sangthuama in kianga Siksil thing pahnihte lilam tur hi Royalty pangngai baka  pawisa 50/- (sawmnga) chawia lilam ngai lova min leitir turin  thuneitute  hnena dil ni se kan ti.

1.6.1969 : Central KTP-in Pastor Bial KTP Branch tinte atanga  pawisa a khawn chu kan Branch atangin Cheng 17/- thawh tura tuk kan ni a, chu chu june thla chhung ngeiin  Secy-in  Bial KTP-ah lo pe rawh se kan ti.

4.1.1970 : Biak in chhuat lei vaivut nasa lutuk hi lipa zing kara hnatlan  kan titlu a,a hun atan  dt.5.1.1970 Thawhtan zing ni se kan ti.

19.4.1971 : Pawisa lakluhna tur kan ngaihtuah a,Biak in sak nan KTP tin hnenah Thawhlawm Ip sem ni se, lakkhawm hun atan chuan 9 May, 1971 ni se, ip mual tina sem tute hnena pekkhawm emaw,a semtute'n lakkhawm emaw ni rawh se.

9.4.1972 : KTP Conference Kawnpuia mimal sum hman ral Rs.4/- bak kha a ranglamin KTP hruaitu remchang apiangte hnenah  pek ni se,harsa zualte chuan inhriattir theih hram ni se kan ti.

19.7.1973 : Sertui zawrhna saidawium ruak tihral dan tur  ngaihtuahna kan nei a, Durtlang Synod Hospitala-a damlote tan a thlawna  pek ni se.

11.4.1974 : Hemi zana Dawrpui Pastor Bial pum KTP  tual fanna  nei turin Ramhlun Veng Branch hrang hrangte Pu Ranga (Ramhlun S) in bulah  innghahkhawm ni se.

25.4.1975 : Thalai Committee thla tin  thla thar apiangin 'Thla thar Committee'  neih ngei  ngei ni se la, chumi bak chu a tul an anga anga koh zel ni se kan ti.

12.2.1976 : Kohhran Thawhlawm khawnna tur Alluminium 4 kan chhun tir a, khulna man Kohhran pawisa Rs.80/- kan hmang a, hei hi a rang lama rulh ni se la. Tin, Thawhlawm khawnna pawh hi  chhun that leh ni se.

1977 : Branch hmingin Type writer lei a ni.

18.2.1978 : Thawhtan zan Inkhawm banah KTP-ten Krismas  Tui chawi a ni.

18.11.1979 : District Jail leh Tuirial Jail-a tangte chhiar tur heng lehkhabute hi laksak a ni : Kristian Thalai - Bu 1 ve ve, Kristian Tlangau - Bu 1 ve ve. Makedonia-Bu 2 ve ve.

18.10.1980 : Field Trip/ Recreation Chite River Valley-ah neih a ni.

26.11.1981 : Pu Lalkherha-te chhungkuain an nu Kapkungi boral chungchanga mite tanpuina atangin  Sawma pakhat  Rs. 471/- chu KTP-te Ramthar rawngbawlna atan an hlan.

29.8.1982 : Sunday school banah Bialtu Pastor hovin Branch Committee Member-te inkawmhona neih a ni.

17.11.1983 : Kumin 1983 chhungin  puan bu 25 tah zawh hram ni se kan ti.7.2.1984 : Sign Board pahnih - "Lalpa inah i kal ang u" sam 122:1 chu Biak in  kawtah  tar a ni a; thlan mualah  "I chatuan  hmun tur khawiah nge?"  tar a ni.20-22.2.'85 : Rescue Centre-ah Work Camp neih a ni.

12.2.1986 : Inkhawma hun neitu hrang hrang - Sermon, Short Sermon leh Thawhtan zan leh Tawngtai inkhawm-a Tantu list siam  fel a ni.

6.6.1987 : Hnam dangte puala inkhawmna  buatsaih a ni a; Aug.'87 atangin  thla tin hnam dangte puala tawngtai inkhawm  neih a ni.

15.5.1988 : Duplicating Machine Rs.5,500/- man lei  a ni.

28.4.1989 : Key Board Rs.14,500/- man lei a ni.

1990 : Zuk leh hmuam do kum a ni a; zuk leh hmuam nghei mi 19 an awm.

1991 : Hall Ceiling leh Pulpit siamna bakah Sound System atan kohhranah  Rs.25,000/- chhun luh a ni.

15.6 - 15.9.'92 : CKTP buatsaih Basic Construction  Engineering Camp-ah kan memberte - Tv. Lalrintluanga Vuite leh Tv. Robert V.L. Hmangaihsanga an tel.

1993 : Sound Mixer Rs. 29,000/- man lei a ni.

1994 : Type Writer Long Roll lei thar a ni.

1.6.1995 : KTP Room chu Kohhran Committee -ten min siam sak.

1996 : ZDU Damna In, Zuangtuiah  hnatlangin mi 73 zet thawh chhuah a ni.

1997 : Key Board lian tha tak Rs. 47,000/- man lei thar a ni.

1998 : Mit tha lo Survey neih a ni a, mi thenkhat te chu Presbyterian Hospital, Durtlangah a thlawna zai sak an ni.

1999 : Chanmari Bial KTP buatsaih Millenium Quiz Competition-ah tel ve a ni a, Final Round kan thleng.

2000 : 2.9.2000-ah ATC huan sam faia hnatlang neih a  ni.2001 : KTP Ruby Jubilee chu ruai nen ropui taka lawm a ni a; Monument leh Souvenir buatsaih a ni.2002 : Kohhran ah SoundMixer lei nan Rs. 15,000/- chhun luh a ni.

15.8.2003 : Ramhlun Sports Complex Field-ah KTP-te'n One Day Olympic hman a ni a; KTP Golden Jubilee pualin  31.10.'03 zanah  Hruaitu Hluite chawimawina Inkhawm hman a ni.

13 .8.2004 : Branch KTP Day  denchhenin  mi 35-in  thisen an pe a; Tea Urn 4, Rs. 5,000/- man leiin Kohhranah chhun luh a ni.

22.4.2005 : One Dry -Day hmangin mi 64-te Hyde Out Resort, Tuirial-ah nileng in hun an hmang.

9.12.2005 : Biak In hawnga inneite lawmpuina thilpek atangin Baby Lalremruati leh Ramzauva Saiawi-te chuan sawma pakhat Rs.100/- chu KTP-ah an hlan let leh.2006 : Key Board Rs.34,000/- man  lei thar a ni.

26.6.2006 : Hemi zan hian Career Guidance buatsaih a ni a, Resource Person-ah  Dr.Vanlalchhawna sawm a ni.

4.9.2007 : Acooustic Drum Set Rs. 43,000/- man lei a ni.

13.5.2007 : Zanah Branch Committee member ten Sermon Training neih a ni a, Sermon Traning hi Rev. H. Zalawma'n min neih pui a ni.

11.12.2008 : Zanah Kohhran pawl dangte leh Branch YMA-te nen Advance Christmas  hman a ni.

2009 : 2011-a KTP Golden Jubilee lo thleng tur pualin Ramhlun South YMA Hall-ah  Gospel Concert hlawhtling taka  buatsaih a ni.

15.3.2010 : Hemi zan Inkhawm ban atang hian Golden Jubilee lawm tur pualin Hall No.4-ah Holy Bible ziah chhuah programme hman tan a ni.

30.6.2010 : Sihphir Neihbawih a Synod Revival Camping Centre-ah Bethel Runpui neih a ni a, Bus 2 leh mimal motor engemaw zat hmangin mi 124 in hun hman a ni a. Tiffin te paiin tawngtai/Bethel a hun hman a ni.

2010 : Heng bungrua te hi lei thar a ni : UPS, Computer Monitor (LCD) leh Sound Mixer (MACKIE CFX 20, Rs.57,000/- man) te lei an ni. Hmun hrang hranga kan member awm ten Branch chanchin an lo hriat zung zung theih nan KTP Website siam a ni a, www.ramhlunktp.jimdo.com ah entheih a ni. Facebook-ah Group ‘RamhlunKTP’ siam a ni bawk a, hmun hla zawka member awm ten an hlut thin hle a ni.

18.4.2011 : Hemi Thawhtan zan inkhawm hi 'Costume Nite' Programme atan hman a ni a, Milar leh ram hrang hrang incheina hmanga incheiin Kohhran Hall-ah hun hliawm tak hman a ni.2011 : KTP Golden Jubilee sumtuak nan Ramhlun South YMA Hall-ah  Gospel Concert hlawhtling tak a buatsaih leh a ni. Hei leh chen min hruaitu Lalpa Pathian hnenah chawimawina awm rawh se.

KTP innghahna châng

Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni. Ephesi 2:10.

SANA

relojes web clock for blog

Website tlawh tawh zat

Khawi ram atangin nge visitor awm tawh

free counters

LATEST NEWS

Ramhlun Pastor Bial KTP Conference Vawi 14-na chu Ramhlun Vengchhak Kohhran Biak Inah ni 27-29 January, 2012 chhung khan hman a ni a, Bialtu Pastor (Ramhlun Bial) kan la neih rih loh avangin Rev. C. Lalsangliana, Ramhlun North Bialtu in min hmui rih a, chuvang chuan KTP Conference pawh hi a hun aia tlaiah sawn a ni a, Conference hlimawn tak hman a ni.

Kan Branch Committee Member Nl. F. Lalchhandami te chhungkua chuan Zemabawk, Lungbial lamah min insawn san ta. Tin, Committee Member, Nl. Lalthasangi Tlau pawhin ni 3.2.2012 (Zirtawpni) hian Zonunmawia, Republic Veng chu Kohhran Danthianghlimin a nei bawk a, Committee Member-te min awmbosan tur hi kan uiin kan ngai dawn hle a ni.

Jubilee pual ran thawh

Golden Jubilee puala ran thawh tawh zat ( A luh belh reng avangin a chhiah a la hriat lo a ni) : (Tun ami hi Ni 6.8.2011 thleng a mi a ni e.)

Bawng   - 4

Vawk      - 16

Ar            - 62

Sangha  - 5


Kum 2011-2012 Bial KTP Hruaitu turte :

Office Bearers :

Leader : Tv. Lalramchuana

Asst. Leade : Pu Laldinliana Sailo

Secretary : Pu T. Lalawmpuia

Asst. Secretary : Pu Lalrochanga

Treasurer : Nl. Lalringzuali

Fin. Secretary : Tv. Lalchhanhima

 

Kan Branch atanga Bial Comt Member turte :

1. Tv. Rosangliana

2. Tv. H. Lalnunfela

3. Pu R. Lalchhuanmawia

4. Pu Zomuana Ralte

5. Nl. H. Lalnunpari

6. Pu Vanlalnghaka

BRANCH CHURCH HAWNG : Ni 5.9.2010 (Pathianni) chawhnu khan Ramhlun Vengchung Branch Church hawnna neih a ni a, Bial Chairman in hawnna neiin Ramhlun South Kohhran Zaipawlin hla an rem a ni. Branch church hian a hranin Nilai inkhawm leh zing tawngtai inkhawm an hmang hrang tawh dawn a ni.

JUBILEE KTP PUAL INKHAWM : Ni 26.8.2010 (Ningani) zan hi Kohhran Golden Jubilee kan lawm turah KTP Pual inkhawma hun hman tur a ni a, Ramhlun KTP Leader hmasaber Rev. Lalthangliana'n thu a rawn sawi ang.

Visitor Comment suasam : Kan Kohhran website www.ramhlunkohhran.org chu mi tu tih hriatloh ten Visitor Comments-ah thil tha lo tak tak an lo link kual chu paih fai tawh a ni e.

Joint OB Meeting : Ni 10.8.2010 (Thawhlehni) tlai khan Branch OB te leh Sumsuih OB te chuan Joint Meeting Sumsuih-ah an nei a, kan Branch OB te hi Pro Pastor Lalmuankima Pautu in ava tawiawm nghe nghe a, ruah sur chungin zan dar 11:30 velah an lo kir leh a ni. Zing dar 2:00 velah tluang takin an lo thleng leh a ni.

BRANCH DAY SPORTS : Ni 14.8.2010 (Inrinni) nileng khan Durtlang Field-ah Branch Day Sports neih a ni a, Item hrang hrangah House inelna neih a ni a, Branch Committee Memberte leh Pavalai Pawl ten Football Exhibition Match an khel a, Pavalai Pawl lamin 2 - 1 in hnehna an chang ta a ni.