RAMHLUN KRISTIAN THALAI PAWL MEMBER TEN KAN LO LAWM A CHE.

BRANCH LO PIANDAN :

August 14, 1961 Pathianni Sunday School inkhawm banah khan Tv. Lalthanglianan thian thenkhat Tv. Liansawta, Pu Lalchhandama (Ztu), Nl. Lalhmingmawii leh thian dangte ‘KTP i din ve ang u’ tiin a hrilh kual a. Thian dangte nen inhrilh kual zelin ni 14.8.61 Pathianni chawhnu inkhawm banah Pi Zauvi in (tuna Ramhlun Indoor Stadium bul Pu Chaldailova te in chhim lam dep chiah)-ah Ramhlun Branch KTP chu din a ni ta a ni.

Read more...

######################################################

PHOTO VARIETY

Branch News

GOLDEN JUBILEE KAN THLENG TA...

 

Kan nghahhleh em em 'Ramhlun Branch KTP Golden Jubilee' chu Pathian hruaina in kan lo thleng ta reng mai a, Member ten Pathian hnenah lawmthu i sawi mawlh mawlh ang u. 

 

Ni 10.8.2011 (Nilaini) zanah lawmna inkhawm hmasa ber neih a ni a, hetah hian kan Hruaitu hlui mi engemaw zatin min rawm hmanpui nghal a, Kan Leader hmasa ber Rev. Lalthangliana te nupa (A nupui Pi Vanlalkimi hi kan Asst. Leader lo ni tawh a ni a, ani hi hmeichhia ah chuan Asst., Leader la awm chhun a ni) leh Pi Rosangi (Treasurer hmasa berin min rawn hmanpui thei bawk a ni.

 

Branch dang kan sawmte atangin Mission Veng Branch atangin mi pariat (8) an lokal thei a, Chaltlang Branch atangin mi pahnih (2) an lokal a, Ramhlun Vengthlang Branch atangin mi pathum (3) an lo tel thei bawk a, Heng Branch pathum (3) te hian Lawmpuina Thuziak (Frame) mawi tak min hlan vek a ni.

 

Inkhawmah hian kan hruaitu hlui (Committee Member lo ni tawh) pawh mi engemaw zat an lokal thei a, Kohhran mipui pawhin min hlutpuiin inkhawm pawh kan tha khat hle bawk a ni.

 

Inkhawm banah hian Jubilee lawmna ruai hmasa ber - Thingpui Ruai tui tak in ho a ni a, Naupang lam pawhin kan hun hman te min hlutpuiin nuam kan ti tlang hle a ni.  

BRANCH HISTORY A A HMASA BER TE :

 

OB Hmasa ber te (1961) :

Leader                : Rev. Lalthangliana

Asst. Leader      : Tv. Lianchhunga

Secretary            : Pu Lalchhandama

Asst. Secretary  : Nl. Hmingmawii

Treasurer           : Nl. Rosangi

Finance Secretary post hi kum 1980 ah neih tan chauh a ni a, Finance Secretary hmasa ber chu Nl. Vanlalhruaii a ni.

 

OB post chelh rei ber te :

Leader                : Pu R. Lalrema (Kum 5 chhung)

Asst. Leader      : Upa Lalhmachhuana  (Kum 4 chhung)

Secretary            : Pu Thansanga Chawngthu & Pu Lalsiliana (Kum 5 ve ve)

Asst. Secretary  : Pu R. Lalrema & PU RK Lalfakawma  (Kum 4 ve ve)

Treasurer           : Nl. Lalringzuali  (Kum 6 chhung)

Finance Secretary : Pu R. Lalrema  (Kum 5 chhung)

 

Office Bearers tang rei tawh ber chu Pu R. Lalrema niin kum 15 chhung OB post hrang hrang a chelh lawr tawh a ni.

 

OB Post hrang hrang chelh lawr kual hnem ber chu Upa F. Laldailova niin Finance Secretary tih loh chu post dangah a awm kual vek tawh a ni.

 

Hmeichhia Asst. Leader awm chhun : Pi Vanlalkimi (Kum 1970)

 

Secretary a hmeichhe awm chhun : Pi R. Lalrampari (Kum 1979 & 1980)

 

Branch Budget hmasa ber : Rs.1400/- (Sangkhat zali) (Kum 1977 a budget a ni)

 

Member atanga Missionary a chhuak hmasa ber : Pi Lalrindiki Sailo (L) (1986 ah a chhuak) Hemi kumah hian Missioanary pakhat (1) Branch hming chawm tan a ni.

OFFICE BEARERS POST MIPA LEH HMEICHHIA IN AN LO CHELH TAWH DAN 

 

  OB Post       Hmeichhia         Mipa         Total    
Leader - 25 25
Asst. Leader 1 32 33
Secretary 1 22 23
Asst. Secretary 5 26 31
Treasurer 20 8 28
Finance Secretary      5 13 18

 

Office Bearers-ah hian Leader hmeichhia an lo awm ngai lova, Asst. Leader leh Secretary-ah hmeichhia pakhat an awm ve ve tawh a ni. Secretary post a tira post awm siah chuan a chelh tawh an la tlem ber a, Finance Secretary hi chu kum 1980 a neih chauh anih avangin a tlem ber an ni.

BIAL HRANG HRANG ATANGA JANUARY FAITH PROMISE LUH DAN

JANUARY 2011

Bial Zat
Member Zat
Ip Lut Pawisa Lut
1 64 53 1,610
2 64 44 2,925
3 64 54 4,340
4 129 102 5,190
5 47 38 2,610
6 56 48 3,030
7 59 60 2,960
8 68 48 2,850
9 73 54 3,540
Total 624
501 29,0551

BIAL CONFERENCE VAWI 13-NA TIAK TA

 

    Ramhlun Pastor Bial KTP Conference Vawi 13-na chu Pathian hruaina in Ramhlun Vengthlang Kohhran Biak In ah tluang taka neih zawh a ni ta. Conference hi Jan Ni 21-23 Zirtawp zan atanga Pathianni zan thleng a awh a ni. Kan Branch pawh kan chanvo hrang hrang te tluang takin kan tihlawhtling thei a alawmawm hle a ni. Inrinni zan atangin Speker Rev. R. Lalrosiam hnen atangin thuchah ngaihthlak a ni.

 

    Zirtawpni zan Ni 22 ah Palai lawm leh Report te ngaithlain  suuna hun hman a ni a, kan Kohran Zaipawl pawh kan zai a ni. Kum 2010 chhungin kan Bial chhungah   member boral mi 7 an awm. Inrinni dar 10 atangin Rorel Inkhawm neih a ni a, Rorel Inkhawmah hian kan Branch atangin Rorel Palai mi 26 kan kalkim thei a , a lawmawm hle. (Thurel te) Inrinni Chawhnu lamah kum 2011 Bial KTP Hruaitu tur thlan a ni a, heng a hnuai ami te hi thlan chhuah an ni. Conference kan hman chhung hian kan Branch member te kan tel tha thawkhat viau a, Inkhawm kan thahnem thinin Zaipawl kan neih tum phei chuan kan tam in kan zai tha hle thin a ni. Memberte kan inpeknaah lawmthu kan sawi tak meuh meuh a ni. 

GOLDEN JUBILLEE PUALIN 2011 CALENDAR SIAM A NI

2011 CALENDAR
2011 CALENDAR

Branch Golden Jubilee pualin 2011 Calendar siam a ni a, Copy 1000 siam a ni. Rs.20/- in copy tlem te kan hralh hnuah hlep awm lovin, chawibelhin pakhat Rs.15/- a kan siamtir chu Rs.10/- a hralh chhuah a ni a. Hralh zawh tawh a ni nghe nghe a ni. He Calendar hi sumtuakna ni lovin publicity atan a buatsaih a ni a, member te kan tang tlang a, kan tiral thuai thei hi a lawmawm hle a ni.

Hmuifang tlangah Shooting
Hmuifang tlangah Shooting

Jubilee Music Video siam a ni

 

2011 Ramhlun Branch KTP Golden Jubilee pualin Music Video "Inpeih thuai rawh" tih hla Dr. Ramdinthara Sailo phuah chu siam a ni a, member 90 dawnlaiin shooting hi kan nei a ni.

RAMHLUN VENGCHUNG KOHHRAN INDANG TA....


Ramhlun Presbyterian Kohhran atangin RAMHLUN VENGCHUNG PRESBYTERIAN KOHHRAN chu ni 2.1.2011 (Pathianni) chawhnu inkhawmah  Aizawl Bethel Presbytery Moderator, Bialtu Pastor ni bawk, Rev. R. Lalnuntluanga'n a Kohhran puitlingah a hawng ta. Kohhran a indan takah chuan KTP pawh an indang chuani ta mai a. Kan member tangkai tak tak ten min indansan ta hi kan ui hle a a ni.

 

Ni 3.1.2011 (Thawhtan) zanah Ramhlun Vengchung Branch KTP chuan 2011 hruaitu tur thlang chhuak nghalin Office Bearers atan heng mite hi thlan an ni.

 Leader                     : Tv. TBC Lalremtluanga

Asst. Leader             :  Tv. Manase H. Saphmingthanga

Seretary                   :  Tv. Lalchhanhima

Asst. Secretary         :  Nl. Zoremsangi

Treasurer                  :  Nl. H. Lalawmpuii

Finance Secretary     :  Pu Vanlalpara

 

Defending Champion
Defending Champion

Fashion Show : Ni 11.10.2010 (Thawhtan) zan hian Branch Sports (Indoor Games) Result puan leh Lawmman sem na neih a ni dawn a, he hunah hian Branch Committee Member mipa zawngin Fashion Show an nei dawn ang, an dress tur pawh hawhkhawm a ni tawh a, an Make-up Artist tur pawh Febby's Beaty Parlour leh Vewy's Beauty Concept lam in an buaipui dawn a ni.

Branch Committe Member Team
Branch Committe Member Team

BRANCH DAY SPORTS : Ni 14.8.2010 (Inrinni) nileng khan Durtlang Playground-ah Branch Day Vawi 49-na lawm nan Sports neih a ni a, City Bus 3 bakah motor 20 bawr vel nen kan thawkchhuak a ni. Sports item hrang hrang - Football, Volleyball, Death Ball, Spoon Race, Shotput, LTP, Dart Throw hmang tein inelna neih a ni a, Branch Committee leh Pavalai ten Football Exhibition Match an khel a, Pavalai lamin 2-1 in hnehna an chang ta a ni.

House Champion 2010
House Champion 2010

HOUSE CHAMPION : Green House chuan Medal la hnem berin kum 2010 Branch Day Sports Champion an ni a, Champion Trophy mawi tak chu an la ta a. House leader-te an tang hle mai a, an phu hlein a hriat a ni. Kan lawmpui e.

Chief Guest
Chief Guest

CHIEF GUEST : Sports-naah hian Chief Guest neih a ni a, Field chhungah motor tlan luh an phal loh laiin kan Chief Guest tan erawh min remtihpui thei hram a, Chief Guest hi Security Guard rothap tak tak te nen rawn kalin Sports hawnna a nei a, Flag min pawh pharhsak hnuin Sports hi tan zui nghal a ni.

Vawkte thawh : Tv. Dr. F. Vanlalthlamuana, KTP Golden Jubilee Organising Committee Member chuan kum 2011 a KTP Golden Jubilee kan lawm tur pualin Vawkte ( a til lakna tur nen) a thawh a, a chungah lawmthu kan sawi a ni.

2005 Group Champion (LUKA Group)
2005 Group Champion (LUKA Group)

BRANCH DAY 2010

Kum 2010 Branch Day chu lawm turin inbuatsaih chhoh mek a ni a, Branch Day ni tak 14th August, 2010 hian Durtlang Playground-ah Sports neih a ni ang a, Sport Items hrang hrangah inel a ni ang.

 

Kumin hian House-ah in thenin House 4 (pali) ah inthen a ni a, Hetiangin -

White House - Bial 1, 2 & 4

Blue House - Bial 3 & 9

Green House - Bial 5 & 6

Red House - Bial 7 & 8

 

Trophy
Trophy

CHAMPION TROPHY

He Trophy hi kum 2007 kuma Brnch Day puala Sport neih tum in hman tan a ni a, hemi kum hian Marka Group (Bial 3 & 9) ten an la a, a kum leh 2008 kumah Johana Group (Bial 7 & 8) ten an la ve leh a ni. Kumin 2010 pawh hian he Trophy hi House tinten kan inchuh ber tur a ni a, House tinte theihtawp chhuahin an inbautsaih mek a ni.

BRANCH DAY SPORTS ATAN THILPEK HLAN

Branch Day Sports lawm turin kan inbuatsaih mek a, incharge ho pawh mahni hmalakna tur zawnah an buai hle a ni. Tv. Lallawmzuala chuan Sports atana kan mamawh Football thar KTP min pe a, Tv. Lalzarmawia (Bial-8) pawhin Volley Ball thar pakhat a pe bawk a, hei mai bakah hian Football incharge ho pawhin an incharge-na a an mamawhte a senso tum vek an tum bawk a ni.

 

Heng an inpekna avang hian Branch Day Sports hlawhtling takin kan hmang thei dawn niin a hriat a, a lawmawm hle a ni.

KTP innghahna châng

Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni. Ephesi 2:10.

SANA

relojes web clock for blog

Website tlawh tawh zat

Khawi ram atangin nge visitor awm tawh

free counters

LATEST NEWS

Ramhlun Pastor Bial KTP Conference Vawi 14-na chu Ramhlun Vengchhak Kohhran Biak Inah ni 27-29 January, 2012 chhung khan hman a ni a, Bialtu Pastor (Ramhlun Bial) kan la neih rih loh avangin Rev. C. Lalsangliana, Ramhlun North Bialtu in min hmui rih a, chuvang chuan KTP Conference pawh hi a hun aia tlaiah sawn a ni a, Conference hlimawn tak hman a ni.

Kan Branch Committee Member Nl. F. Lalchhandami te chhungkua chuan Zemabawk, Lungbial lamah min insawn san ta. Tin, Committee Member, Nl. Lalthasangi Tlau pawhin ni 3.2.2012 (Zirtawpni) hian Zonunmawia, Republic Veng chu Kohhran Danthianghlimin a nei bawk a, Committee Member-te min awmbosan tur hi kan uiin kan ngai dawn hle a ni.

Jubilee pual ran thawh

Golden Jubilee puala ran thawh tawh zat ( A luh belh reng avangin a chhiah a la hriat lo a ni) : (Tun ami hi Ni 6.8.2011 thleng a mi a ni e.)

Bawng   - 4

Vawk      - 16

Ar            - 62

Sangha  - 5


Kum 2011-2012 Bial KTP Hruaitu turte :

Office Bearers :

Leader : Tv. Lalramchuana

Asst. Leade : Pu Laldinliana Sailo

Secretary : Pu T. Lalawmpuia

Asst. Secretary : Pu Lalrochanga

Treasurer : Nl. Lalringzuali

Fin. Secretary : Tv. Lalchhanhima

 

Kan Branch atanga Bial Comt Member turte :

1. Tv. Rosangliana

2. Tv. H. Lalnunfela

3. Pu R. Lalchhuanmawia

4. Pu Zomuana Ralte

5. Nl. H. Lalnunpari

6. Pu Vanlalnghaka

BRANCH CHURCH HAWNG : Ni 5.9.2010 (Pathianni) chawhnu khan Ramhlun Vengchung Branch Church hawnna neih a ni a, Bial Chairman in hawnna neiin Ramhlun South Kohhran Zaipawlin hla an rem a ni. Branch church hian a hranin Nilai inkhawm leh zing tawngtai inkhawm an hmang hrang tawh dawn a ni.

JUBILEE KTP PUAL INKHAWM : Ni 26.8.2010 (Ningani) zan hi Kohhran Golden Jubilee kan lawm turah KTP Pual inkhawma hun hman tur a ni a, Ramhlun KTP Leader hmasaber Rev. Lalthangliana'n thu a rawn sawi ang.

Visitor Comment suasam : Kan Kohhran website www.ramhlunkohhran.org chu mi tu tih hriatloh ten Visitor Comments-ah thil tha lo tak tak an lo link kual chu paih fai tawh a ni e.

Joint OB Meeting : Ni 10.8.2010 (Thawhlehni) tlai khan Branch OB te leh Sumsuih OB te chuan Joint Meeting Sumsuih-ah an nei a, kan Branch OB te hi Pro Pastor Lalmuankima Pautu in ava tawiawm nghe nghe a, ruah sur chungin zan dar 11:30 velah an lo kir leh a ni. Zing dar 2:00 velah tluang takin an lo thleng leh a ni.

BRANCH DAY SPORTS : Ni 14.8.2010 (Inrinni) nileng khan Durtlang Field-ah Branch Day Sports neih a ni a, Item hrang hrangah House inelna neih a ni a, Branch Committee Memberte leh Pavalai Pawl ten Football Exhibition Match an khel a, Pavalai Pawl lamin 2 - 1 in hnehna an chang ta a ni.